Шимолий вокзал олдидаги ерости туннелида Gentra ёниб кетди

Тошкент шаҳрининг Яшнобод туманида Gentra автомобилида ёнғин содир бўлди.

Фото: ФВБ

26 июн куни соат 11:29 да Тошкент шаҳар Яшнобод тумани, Шимолий вокзал олдидаги ерости туннелида автомобил ёнаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув техникалари айтилган манзилга соат 11:37 да етиб бориб, ёнғин соат 11:40 да ўчирилди.

Айтилган манзилда Gentra русумли автомобил ёниб зарарланган. Ёнғин оқибатида жабрланганлар йўқ.

Ҳозирда ёнғин сабаби аниқланмоқда.