Uzbekistan Airways 1 июлдан Исроилга парвозларни тиклайди

Тошкент – Тел-Авив – Тошкент йўналишидаги рейслар одатдаги тартибда амалга оширилади.

Фото: Uzbekistan Airways

Uzbekistan Airways авиакомпанияси 1 июлдан Исроилга парвозларни қайта тиклайди.

«2025 йил 1 июлдан бошлаб Тошкент – Тел-Авив – Тошкент йўналишидаги рейслар одатдаги тартибда амалга оширилади», дейилади компаниянинг баёнотида.

Аввалроқ, Исроилнинг Тел-Авив шаҳри халқаро аэропортида ҳаво ҳудудидан фойдаланиш бўйича жорий этилган чекловлар сабабли, Uzbekistan Airways 2025 йил 16 июндан 30 июнгача Тошкент–Тел-Авив–Тошкент йўналишидаги рейсларни вақтинча тўхтатган эди.

Шунингдек, Исроил-Эрон зиддиятининг кучайиши ортидан Исроил давлати билан авиақатновлар вақтинча тўхтатилгани ҳақида Ўзбекистоннинг Исроилдаги элчихонаси ҳам хабар берган эди.

Тайёрлаган Сардор Юсупов

#Исроил #Тел-Авив #Uzbekistan Airways

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.