Қўшимча функционаллар
-
Тунги кўриниш
БМТ бош котиби Ғазо тинч аҳолисига ҳужумларни қоралади
Жаҳон ташкилоти раҳбари Исроил ҳарбийларининг тинч аҳолини эксклавдан эвакуация қилиш бўйича янги буйруғидан қаттиқ хавотирда.
БМТ бош котиби Антониу Гутерриш Исроил ҳарбийларининг Ғазо секторида тинч аҳолига қарши ҳужумларини қоралади. Бу ҳақда кундалик брифингда БМТ бош котиби матбуот котиби Стефан Дюжаррик маълум қилди.
Унинг сўзларига кўра, жаҳон ташкилоти раҳбари Исроил ҳарбийларининг тинч аҳолини эксклавдан эвакуация қилиш бўйича янги буйруғидан қаттиқ хавотирда.
У бу минглаб ғазоликларнинг яна кўчирилишига олиб келиши ҳақида огоҳлантирди.
Дюжаррик тинч аҳоли ҳимоясини таъминлаш, шунингдек, гуманитар ёрдам минтақага тўсиқсиз, узлуксиз ва хавфсиз киришини таъминлаш зарурлигини таъкидлади.
Дюжаррикнинг қайд этишича, БМТ бош котиби воситачиларнинг тинчлик бўйича саъй-ҳаракатларини олқишлайди ва томонларни Ғазода зудлик билан ўт очишни тўхтатишга чақиради.
Ғазодаги геноцид
