Toyota Corolla дунёда энг кўп сотилаётган автомобил бўлиб қолмоқда

Фото: Toyota

Focus2move порталига кўра, 2025 йилнинг биринчи ярим йиллигида сотувлари 8,4 фоизга қисқарган бўлса ҳам Toyota Corolla энг кўп сотилган машина бўлган.

Иккинчи ўринда эса Toyota кроссовери RAV4 ўрин олган. Унинг сотувлари эса 7,4 фоизга қисқарган. Учинчи ўриндан сотуви 0,5 фоизга ўсган Ford’нинг F-серияси пикаплари ўрин олган. Тўртинчи поғонадан Tesla’нинг Model Y электромобили жой эгаллаган. Унинг сотувлари эса бу даврда 26,9 фоизга қисқариб кетган.

Топ-10 таликдан Honda’нинг CR-V, Hyundai’нинг Tucson, Chevrolet’нинг Silverado, Toyota’нинг Camry ва Hilux, шунингдек, Kia’нинг Sportage моделлари ўрин эгаллаган.

Маълумот учун, дунё бўйлаб ҳозиргача энг кўп сотилган автомобиль ҳам Toyota Corolla ҳисобланади. Унинг сотуви 50 млн донадан ошиб кетган.