Тошкент вилоятида Cobalt’га урилган юк машинаси ёниб кетди

Тошкент вилояти Юқори Чирчиқ туманида юк машинаси Cobalt’га урилиб, ағанади ва ёниб кетди.

Фото: Тошкент вилояти ИИББ

Вилоят ИИББ ЙҲХБ маълум қилишича, ҳолат Юқори Чирчиқ тумани ҳудудидан ўтган халқаро аҳамиятга эга бўлган А373 Тошкент—Ўш автомобил йўлининг 4-километрида содир бўлган.

HOWO русумли махсус жиҳозланган цемент ташувчи юк автомобили ҳайдовчиси рул бошқарувини йўқотиши оқибатида йўл четида тўхтаб турган Cobalt'га урилиб, шундан сўнг ағдарилиб кетган.

Йўл-транспорт ҳодисаси натижасида махсус жиҳозланган цемент ташувчи юк автомобилида ёнғин келиб чиққан. Шунингдек, йўл четида ҳаракатсиз турган Cobalt'да бўлган 1 нафар йўловчи тан жароҳати олиб, шифохонага ётқизилган.

Ҳозирда ҳолат юзасидан Юқори Чирчиқ тумани ИИБ томонидан терговга қадар суриштирув ишлари олиб борилмоқда.

Тайёрлаган: Отабек Матназаров

#Тошкент вилояти #ЙТҲ