Олмаотада мушкул аҳволда қолган она ва икки фарзанди олиб келинди

Қозоғистоннинг Олмаота шаҳрида мушкул аҳволда қолган ватандош Г.Р. ва унинг икки нафар вояга етмаган фарзанди Ўзбекистон дипломатлари кўмагида мамлакатга олиб келинди.

Фото: "Дунё" АА

Мазкур инсонпарварлик кўмаги Ўзбекистонда 30 июлдан 30 августгача эълон қилинган "Ватанга қайтариш" хайрия акцияси доирасида амалга оширилди.

Дипломатлар Г.Р. ва унинг икки нафар вояга етмаган фарзандини Олмаота-Тошкент йўналишидаги авиақатнови билан ватанга етиб олишини таъминлади.

Ватандошлар Ўзбекистонга қайтгандан сўнг Тошкент вилояти ҳокимлиги ҳамда Оила ва хотин-қизлар қўмитаси вилоят бўлими вакиллари томонидан Тошкент халқаро аэропортида кутиб олинди. Шунингдек, уларга психологик, моддий ва бошқа масалаларда зарур ёрдам кўрсатиляпти.