Ўзбекистонда 21 млндан зиёд аҳоли меҳнатга лаёқатли ёшда

4,5 миллион киши (11,8 фоиз) меҳнатга лаёқатли ёшдан каттадир.

Фото: Kun.uz

2025 йил 1 июл ҳолатига кўра, Ўзбекистоннинг доимий аҳолиси 37,9 миллион кишини ташкил этмоқда.

Миллий статистика қўмитаси маълумотларига кўра, улардан 12,2 миллион киши (32,2 фоиз) меҳнатга лаёқатли ёшдан кичик, 21,2 миллион киши (56 фоиз) меҳнатга лаёқатли ёшда ва 4,5 миллион киши (11,8 фоиз) меҳнатга лаёқатли ёшдан каттадир.

Экспертларнинг таъкидлашича, меҳнатга лаёқатли аҳолининг юқори улуши мамлакат учун "демографик бонус" бўлиб, иқтисодиётни янада ривожлантириш ва Ўзбекистонда кенг кўламли ислоҳотларни амалга ошириш учун муҳим манба ҳисобланади.