Қўшимча функционаллар
-
Тунги кўриниш
Тошкентда вирусли дастур яратиб, фуқаролар пулини ўғирлаб келган жиноий гуруҳ қўлга олинди
Ушланган шахсларнинг телефон қурилмалари текширилганда, улар 133 нафар фуқаронинг жами 3 млрд сўмга яқин пул маблағини қўлга киритгани аниқланган. Жиноий гуруҳнинг ҳар бир аъзоси ўғирланган пулдан улуш олиб келган.
Фото: Видеодан кадр
Тошкент шаҳрида “apk” вирусларини яратиб, фуқароларнинг пул маблағларини ўғирлаш билан шуғулланиб келган жиноий гуруҳ қўлга олинди. Бу ҳақда ИИВ Киберхавфсизлик маркази матбуот хизмати хабар берди.
Маълум қилинишича, “Хавфсиз кибермакон” тезкор профилактик тадбирлари доирасида ИИВ Киберхавфсизлик маркази ҳамда унинг Тошкент шаҳар бошқармаси ходимлари томонидан тезкор тадбир ўтказилган. Тадбир давомида бир гуруҳ шахслар Android қурилмалари учун яратилган “apk” вирусларни фуқароларга юбориб, уларнинг СМС хабарномалари, қўнғироқлар ҳамда контакт маълумотларини ўзлаштириш билан шуғулланиб келгани аниқланган.
Тадбирлар давомида вирусли дастурлар Telegram гуруҳларига улангани, гуруҳда 11 нафар турли давлат фуқаролари жамлангани, улар фуқароларнинг шахсий маълумотларини ўғрилаб келгани маълум бўлган. Олиб борилган тезкор-қидирув тадбирлари натижасида жиноий гуруҳнинг 5 нафар аъзоси қўлга олинган.
Ушбу шахсларнинг яшаш манзиллари ва телефон қурилмалари кўздан кечирилганда улар 130 нафардан ортиқ фуқародан жами 3 млрд сўмга яқин пул маблағларини ўғрилик йўли билан қўлга киритгани аниқланган.
Ҳозирда ушбу шахсларга нисбатан Жиноят кодексининг тегишли моддалари билан жиноят иши қўзғатилиб, гумонланувчилар процессуал тартибда ушланган.
Қайд этилишича, ҳозирда жиноий гуруҳга алоқадор бўлган бошқа шахсларни аниқлаш бўйича республика бўйлаб тезкор-қидирув тадбирлари давом эттирилмоқда.
Мавзуга оид
11:00 / 08.11.2025
Хоразмда вирусли дастур орқали фуқаролар пулини ўғирлаб келган гуруҳ қўлга олинди
19:47 / 22.09.2025
Инсон органлари ва тўқималари савдоси билан шуғулланган уюшган жиноий гуруҳ фош этилди
23:34 / 28.05.2025
Испанияда ИИВнинг собиқ давлат котиби жиноий гуруҳ иши доирасида ҳибсга олинди
15:43 / 13.05.2025