Қўшимча функционаллар
-
Тунги кўриниш
Йўл ҳаракати қоидаларини тизимли равишда бузганлар жарима бўйича чегирмадан маҳрум бўлади
Тезлиги меъёридан мунтазам ошиб кетадиган, светофорнинг қизил чироғидан ўтиб кетадиган ёки қарама-қарши бўлакка чиқиб кетадиган ҳайдовчилар жаримани чегирма билан тўлаш ҳуқуқидан маҳрум бўлиши мумкин.
Тегишли қонун лойиҳаси Ички ишлар вазирлиги томонидан жамоатчилик муҳокамасига киритилди. Ҳужжатда тартиббузарликлар учун жарима тўлашнинг соддалаштирилган тартибини бекор қилиш назарда тутилган.
Агар ўзгартиришлар қабул қилинса, бу имтиёзлар мунтазам равишда жиддий қонунбузарликларга йўл қўядиганлар учун ишламайди. Тизимли қоидабузарлар тоифасига бир ой ичида:
- белгиланган тезликни соатига 40 ёки 60 километрдан беш марта оширган;
- светофорнинг қизил чироғидан икки марта ўтиб кетган ёки тартибга солувчининг ҳаракатларига эътибор бермаган;
- икки марта қарама-қарши бўлакка чиқиб кетган ёки авариявий вазият келтириб чиқарганлар киради.
Ички ишлар вазирлигининг маълум қилишича, бундай чора оғир оқибатларга олиб келадиган ЙТҲ сонини камайтиради.
Мавзуга оид
20:05 / 11.06.2026
Болага автомобилни бошқаришга рухсат берганлик учун жавобгарлик кучайтирилади
19:32 / 15.05.2026
“Тошкент халқаро молия маркази тўғрисида”ги Конституциявий қонун лойиҳаси биринчи ўқишда қабул қилинди
22:22 / 26.02.2026
Адлия вазирлиги ноқонуний пойгалар учун жавобгарлик жорий этиш бўйича таклиф киритди
15:26 / 18.02.2026