Автомобил ва товар импортидаги беқарор талаблар: расмийлар ва фаоллар билан суҳбат

Импорт қилинган автомобилларни Пискентдаги автополигонда синовдан ўтказиш бошланганидан 1 йил ўтмай, кутилмаганда бекор қилинди. Бир қарашда бу яхши янгилик бўлиб кўриниши мумкин, аммо саволлар ҳали жуда кўп. Хўш, энди автомобил импортида нима ўзгарди? Бош вазир ўринбосари имзолайдиган баён божхона тартиб-таомилларига таъсир қилувчи юридик ҳужжат бўла оладими? Нима сабаб айрим маҳсулотлар импорти "маҳаллий ишлаб чиқарувчиларни қўллаш" фонида у ёки бу кўринишдаги сиқувларга учрайверади? Шу каби саволларни фаоллар ҳамда Божхона қўмитаси вакиллари билан Kun.uz студиясида муҳокама қиламиз.