Қўшимча функционаллар
-
Тунги кўриниш
Ҳафта охирида ҳаво бироз исиши кутилмоқда
Ўзбекистонда дам олиш кунлари ҳарорат аста-секин кўтарилади. Ҳаво якшанба куни +32…+34 даражагача исийди. Қорақалпоғистон Республикаси ва Хоразм вилоятининг баъзи жойларида қисқа муддатли ёмғир ёғиши ҳам мумкин.
Фото: Kun.uz
19–21 сентябр кунлари Ўзбекистон ҳудудининг катта қисмида ҳаво бироз булутли, баъзи жойларда ўзгарувчан бўлади, ёғингарчилик кутилмайди, дея хабар бермоқда Ўзгидромет.
Ҳаво ҳарорати аста-секин кўтарилади. Жума кундузи ҳаво +25…+28 даражагача, жанубда +30 даражагача исийди. Шанба куни чўл ҳудудларда ва республика жанубида, якшанба куни Ўзбекистоннинг марказий ҳудудлари бўйича кундузги ҳарорат +32…+34 даражага етади.
20–21 сентябр кунлари Қорақалпоғистон Республикаси ва Хоразм вилоятида баъзи жойларда қисқа муддатли ёмғир ёғади, момақалдироқ бўлиши мумкин. Ҳаво ҳарорати +23…+28 даража атрофида бўлади.
Шимолда ва чўл ҳудудларда баъзи жойларда шамол тезлиги 13–18 метр/сониягача кучайиши, айрим жойларда чанг-тўзонлар билан кузатилиши мумкин.
Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Шамол шарқдан 3–8 метр/сония тезликда эсади.
Кундузи ҳаво ҳарорати жума куни +26 даража, шанба куни +28…+30 даража, якшанба куни +32…+34 даража атрофида бўлади.
