Фавқулодда вазиятлар вазирлиги “махсус кийимдаги” фирибгарлардан огоҳ бўлишга чақирмоқда

Сўнгги йилларда Ўзбекистон бўйлаб махсус кийим кийган шахслар ўзларини давлат ёнғин назорати органи, ФВВ ходими сифатида таништириб, одамлардан ноқонуний тарзда пул йиғаётгани кузатилмоқда.

Фото: Видеодан кадр

Идора бундай шахсларнинг Фавқулодда вазиятлар вазирлигига ҳеч қандай алоқаси йўқлигини, шу билан бирга ёнғинларнинг олдини олиш билан боғлиқ тадбирлар учун соҳа ходимлари томонидан умуман пул ундирилмаслигини маълум қилди.

View this post on Instagram

A post shared by Kun.uz (@kun.uz)

Вазирликка кўра, махсус кийимли шундай шахслар хонадонга келса, улардан биринчи навбатда шахсини тасдиқловчи гувоҳномасини тақдим қилишни сўраш керак. Уни ФВВ ходимларининг намунавий гувоҳномаси билан солиштириб кўриш керак (монтажда кўрсатилади). Уларнинг фаолият тури ҳамда қандай хизматлар кўрсатиши ва ишларни бажаришларига аниқлик киритувчи саволлар бериш керак.

Вазирлик бундай шахслар фавқулодда вазиятлардан муҳофаза қилиш юзасидан бирор ишни бажармасдан, мажбурий тартибда тўлов талаб қилган ҳолатларда 95 772-10-50 ишонч телефон рақамига мурожаат йўллашни тавсия қилмоқда.