Олий таълимда аёл профессор-ўқитувчилар улуши 46 фоизга етди

2024-2025 ўқув йили бошида Ўзбекистон олий таълим ташкилотларида меҳнат қилаётган профессор-ўқитувчи ходимларининг қарийб ярмини аёллар ташкил этмоқда — уларнинг улуши 46,2 фоизга етди.

Фото: Marifat.uz

Миллий статистика қўмитаси маълумотларига кўра, 2024-2025 ўқув йили бошида мамлакат ОТМда (ўриндошларсиз) меҳнат фаолиятини амалга ошираётган профессор-ўқитувчи ходимлар сони 49,6 минг кишини ташкил этган.

Профессор-ўқитувчи ходимлар умумий сонида:

эркаклар — 26,7 минг нафар (53,8 фоиз);
аёллар — 22,9 минг нафар (46,2 фоиз) улушга эга.

Бу кўрсаткич 2020-2021 ўқув йили бошига нисбатан 17,5 минг кишига, яъни 54,5 фоизга ўсгани қайд этилган.

Ҳудудлар кесимида профессор-ўқитувчи кадрлар қуйидагича жойлашган:

Қорақалпоғистон Республикаси — 2,7 минг нафар;
Андижон вилояти — 3,1 минг нафар;
Бухоро вилояти — 3,2 минг нафар;
Жиззах вилояти — 2,1 минг нафар;
Қашқадарё вилояти — 2,2 минг нафар;
Навоий вилояти — 1,1 минг нафар;
Наманган вилояти — 2,3 минг нафар;
Самарқанд вилояти — 4 минг нафар;
Сурхондарё вилояти — 2 минг нафар;
Сирдарё вилояти — 0,7 минг нафар;
Тошкент вилояти — 2,5 минг нафар;
Фарғона вилояти — 2,7 минг нафар;
Хоразм вилояти — 2,1 минг нафар;
Тошкент шаҳри — 18,9 минг нафар.

Статистикага кўра, профессор-ўқитувчи кадрларнинг энг юқори тўпланиши Тошкент шаҳрига тўғри келади. Аёл мутахассисларнинг улуши ўсиб бориши эса олий таълим тизимида гендер мувозанатини таъминлаш йўналишидаги ўзгаришларни намоён этмоқда.

Тайёрлаган: Отабек Матназаров

#ўқитувчи #статистика