6 декабрга ўтар кечаси соат 2:04 да Ўзбекистон ҳудудида ер қимирлади. Сейсмопрогностик мониторинг маркази маълумотига кўра, зилзила ўчоғи Наманган вилояти Поп туманида жойлашган.
Эпицентрда сезилиш кучи: 5 балл, магнитуда: 4,5, чуқурлик: 17 км. Эпицентрдан Тошкент шаҳригача масофа 135 километрни ташкил этади.
Ер силкиниши республиканинг қуйидаги ҳудудларида сезилган:
- Наманган вилояти: 3 балл, 77 км;
- Фарғона вилояти: 2–3 балл, 104 км;
- Андижон вилояти: 2 балл, 129 км;
- Тошкент шаҳри ва вилояти: 2 балл, 135 км;
- Сирдарё вилояти: 2 балл, 173 км.
ФВВ эса мазкур ҳудудларда сезилиш кучи 2–3 баллни ташкил этгани, талафотлар йўқлигини маълум қилди.
3 декабрга ўтар кечаси ҳам Қирғизистоннинг Жалолобод вилоятида рўй берган зилзила (5 балл) кучи Наманган вилояти ҳудудида 2 балл билан сезилганди.
