Лионел Мессининг Ҳиндистондаги саргузаштлари давом этмоқда. Калкуттадаги тартибсизликлардан кейин аргентиналик футбол юлдузи мамлакат жанубига – Ҳайдарободга йўл олди. Бу ерда Леони нисбатан тинч муҳитда кутиб олишди: ташкилотчиликка саволлар туғилмади, бу сафардан энг кўп тарқалган видео эса футболчининг маҳаллий расмий – Телингани штати бош вазири Ревант Редди билан мастер-класс ўтиши бўлди.
Машғулот чоғида ушбу амалдорнинг бирорта паси аниқ чиқмади. Анчадан буён ҳеч ким Мессини тўп ортидан бунчалик кўп югуртирмаганди.
Буни Леонинг дўстлари, маҳаллий кишилар унчалик яхши танимайдиган Луис Суарес ва Родриго Де Паул табассум билан кузатиб туришган.
Айтиш мумкинки, маросим ташкилотчилиги вазирнинг футбол ўйнашидан анча яхшироқ эди. Аммо у 56 ёшда эканини ҳам инобатга олиш керак.
Бу тадбирдаги яна бир бахтли киши – Месси билан қўл бериб саломлашган қўриқчи бўлди. Бу эса вазирга унча ёқмади
Қизиқарли машғулотдан кейин Месси ва вазир икки жамоада бир-бирига қарши футбол ўйнашган. Сиёсатчи ҳатто гол ҳам урган, Леода – дубл.
Ўйин тугаб, стадионни тарк этишда Редди қўриқчини койиб берган, у иш вақтида ўзини тийиб тура олмасдан, Мессининг қўлини сиқиб қўйишга жазм этганди. Вазир эса унга ўқрайиб қараган ва эътироз билдирган.
Аммо ходим бундан унчалик хафа бўлмаган.
Ўйин крикет учун мўлжалланган ва мамлакатнинг собиқ бош вазири Раджив Ганди номидаги стадионда бўлиб ўтган. Мессини кўриш учун шаҳарга парламентдаги мухолиф кучлар етакчиси ва Неру ва Гандилар сиёсий сулоласининг бешинчи авлодига мансуб бўлган Раҳул Ганди ҳам шаҳарга ташриф буюрган. У Раджив Гандининг ўғли, Индира Гандининг набираси, мамлакатнинг илк бош вазири Жавоҳарлал Нерунинг чевараси ҳисобланади. Раҳул стадионга сиёсатчи опаси Приянка Гандининг фарзандлари билан бирга келган.
Ҳозир Ҳиндистонда барча Месси билан кўришишга ошиқмоқда: Калкуттада Болливуд юлдузи Шоҳрух Хон ҳам ўғлини футболчи билан учраштириш учун олиб келганди.
