Статистика қўмитаси: пул ўтказиш хизматлари 8,7 фоизга ошган

Миллий статистика қўмитаси маълумотларига кўра, 2025 йил давомида электрон тўлов тизимлари орқали пул воситаларини ўтказиш бўйича хизматлар нархлари 8,7 фоизга қимматлашган. Шу даврда банк муассасалари хизматлари нархлари ҳам 6,9 фоизга ошган.

Фото: Getty Imagеs

Қўмита қайд этишича, электрон тўлов тизимлари орқали амалга ошириладиган пул ўтказмалари хизматлари нархларида йил давомида ўсиш кузатилган. Мазкур кўрсаткич онлайн тўлов инфратузилмаси, тўловлар бўйича хизмат кўрсатиш харажатлари ҳамда бозордаги умумий нарх ўзгаришлари фонида шакллангани айтилмоқда.

Шу билан бирга, 2025 йилда банк муассасалари томонидан кўрсатиладиган хизматлар нархлари ҳам 6,9 фоизга ошгани маълум қилинган. Натижада, пул ўтказиш ва банк хизматларидан фойдаланувчи мижозлар учун хизмат ҳақи бўйича ўзгаришлар йил давомида босқичма-босқич акс этган.

Миллий статистика қўмитаси маълумотларига кўра, келтирилган рақамлар 2025 йилда молиявий хизматлар сегментида нархлар ўсиши қайд этилганини кўрсатади.