Қўшимча функционаллар
-
Тунги кўриниш
Зарафшонда савдо дўконларида ёнғин: 7 та дўкон зарар кўрди
Навоий вилояти Зарафшон шаҳрида жойлашган озиқ-овқат ва савдо дўконларида ёнғин содир бўлди. Ҳодиса оқибатида жабрланганлар қайд этилмади, ёнғин сабаби ва етказилган зарар аниқланмоқда.
Фото: Навоий вилояти ФВБ
Бугун, 22 январ куни соат 04:04 да 112 тизими орқали Навоий вилояти ФВБга Зарафшон шаҳар 6-кичик туман Амир Темур кўчасида жойлашган озиқ-овқат ҳамда савдо дўконларида ёнғин содир бўлгани тўғрисида хабар келиб тушган.
Хабарга асосан, 3 та қутқарув экипажи воқеа жойига соат 04:07 да етиб бориб, ёнғин оқибатларини бартараф этиш ишларига киришган. Ёнғин соат 04:37 да тўлиқ ўчирилган.
Маълум қилинишича, ёнғин оқибатида 3 та савдо дўкони тўлиқ зарарланган, яна 4 та савдо дўкони қисман зарарланган. Ҳодиса оқибатида тан-жароҳати олган фуқаролар ҳақида маълумот келиб тушмаган.
Ҳозирда ёнғин сабаби ҳамда етказилган зарар миқдори аниқланмоқда.
