Темирйўлда йўловчи ташиш кўрсаткичи 10,5 млн нафарга етди

Миллий статистика қўмитаси келтирган маълумотларга кўра, 2025 йилда темирйўл транспорти орқали ташилган йўловчилар сони 10,5 миллион нафарни ташкил этди. Таъкидланишича, мазкур кўрсаткич 2024 йилга нисбатан 700 минг нафарга ошган бўлиб, ўсиш тахминан 7 фоиздан ортиқни ташкил қилади.

Шунингдек, ҳисобот даврида темирйўл хизматларидан бир кунда ўртача 28,8 минг нафар йўловчи фойдаланган. Бу йил давомидаги умумий йўловчи оқимининг барқарорлигини кўрсатади.

Мутахассислар бундай ўсишга ички сафарлар фаоллашуви, йўналишлар географияси кенгайиши, қатновлар қулайлиги ва хизмат сифати яхшиланиши каби омиллар таъсир кўрсатиши мумкинлигини қайд этади.

Йил якунлари бўйича кўрсаткичлар аниқлаштирилиши мумкинлиги билдирилган.