Тошкентдаги ЙТҲ оқибатида Lacetti иккига бўлиниб кетди

Фото: Видеодан кадр

Тошкент шаҳри Сергели туманида Lacetti ЙТҲ оқибатида иккига бўлиниб кетди. Ҳолат акс этган тасвирлар ижтимоий тармоқларда тарқалди. Унда Lacetti иккига бўлиниб кетгани, Leapmotor C 16 эса олд томонидан жиддий шикастланганини кўриш мумкин.

Пойтахт ИИББ ЙҲХБ матбуот хизмати хабар қилишича, ҳодиса 15 феврал куни соат 09:00 ларда Қипчоқ-Қурувчилар кўчалари чорраҳасида содир бўлган.

ЙТҲ оқибатида Lacetti ҳайдовчисига ва бекатда турган бир нафар пиёдага шифокорлар томонидан биринчи тез тиббий ёрдам кўрсатилган.

Айни пайтда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.