АҚШ ҳарбий самолётлари Европа ва Арабистондаги базалар орасида мунтазам қатнамоқда – ОАВ

Аввалроқ Британия бош вазири Кир Стармер АҚШ президенти Доналд Трампнинг америкалик ҳарбийларнинг Эронга эҳтимолий ҳужуми вақтида Буюк Британия ҳарбий аэродромларидан фойдаланишга рухсат бериш ҳақидаги сўровини рад этгани айтилганди.

Фото : U.S. Air Force / Senior Master Sgt. Matthew Plew

АҚШнинг ўнлаб ҳарбий-транспорт самолётлари Европа ва Арабистон яриморолидаги базалар орасида мунтазам қатновларни амалга оширмоқда, деб хабар берди Monde газетаси.

"C-17 каби ўнлаб ҳарбий-транспорт самолётлари анчадан бери Американинг Арабистон яримороли ва Европадаги базалари ўртасида мунтазам парвозларни амалга оширмоқда", - дейилади хабарда.

Нашрнинг ёзишича, гап хусусан, Германиядаги Рамштайн ва Буюк Британиядаги Лейкенхит базалари ҳақида бормоқда.

Шунингдек, тўртта E-3C Sentry самолёти 18 ва 19 феврал кунлари Арабистон яриморолига парвозларни амалга оширган, деб ёзади газета.

Аввалроқ Британия бош вазири Кир Стармер АҚШ президенти Доналд Трампнинг америкалик ҳарбийлар томонидан Эронга эҳтимолий ҳужум вақтида Буюк Британия ҳарбий аэродромларидан фойдаланишга рухсат бериш ҳақидаги сўровини рад этгани ҳақида хабар берилганди.

У ўз жавобини халқаро ҳуқуқнинг бузилиши билан изоҳлаган.