Кеча-ю кундуз фаолият кўрсатувчи мазкур туризм кўчасида озодаликни таъминлаш учун замонавий техникалардан фойдаланиш йўлга қўйилди. Тозалаш ишлари кўчанинг транспорт қатнайдиган қисми билан бирга велосипедчилар ва пиёдалар учун ажратилган ҳудудларни ҳам қамраб олади.
Махсус техникалар бир нечта вазифани бажариш имкониятига эга. Жумладан, улар йўл ва йўлаклардаги чиқиндиларни тозалайди, юзаларни ювади ҳамда сув пуркайди. Бу имкониятлар кўчанинг турли қисмларида тозаликни сақлаш ишларида қўлланади.
Хабарда қайд этилишича, техникалар фаолияти орқали кўчанинг санитария ҳолатини яхшилаш мақсад қилинган. Шунингдек, автомобил йўллари ва пиёдалар ҳаракатланадиган ҳудудларни тоза ҳамда озода сақлаш кўзда тутилмоқда.
Ўзбекистон овози кўчаси 24 соатлик фаолият режимидаги туризм кўчаси ҳисобланади. Махсус техникаларнинг ишга жалб қилиниши ушбу ҳудудда аҳоли ва меҳмонлар учун озода муҳитни таъминлашга қаратилган.
