Тошкент шаҳар Сергели туманида йўловчи автобусида ёнғин содир бўлди. Фавқулодда вазиятлар хизмати ходимлари ҳодисага тезкорлик билан етиб бориб, ёнғинни қисқа вақт ичида бартараф этди. Ҳодиса оқибатида жабрланганлар йўқ.
Маълум қилинишича, 6 апрел куни соат 18:45 да Сергели тумани Янги Сергели кўчасида автобусда ёнғин юз бераётгани ҳақида хабар келиб тушган.
Қутқарув экипажлари ҳодиса жойига соат 18:51 да етиб бориб, ёнғин соат 18:55 да тўлиқ ўчирилган.
Ҳодиса оқибатида тан жароҳати олганлар қайд этилмаган.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
