HUMO расмий ҳамкор сифатида мамлакат AI-кун тартибини кучайтирди: KEY TECH: AI Summit 2026 якунлари

Тадбир Ўзбекистонда давлат бошқаруви, молиявий тармоқ ва рақамли иқтисодиётда сунъий интеллектни амалий татбиқ этишни муҳокама қилиш учун асосий майдонлардан бирига айланди. AI қўлланишининг реал сценарийлари, жумладан тўлов тизимидаги жараёнлар самарадорлигига, рақамли сервисларнинг хавфсизлиги ва сифатига унинг таъсири эътибор марказида бўлди.

 Саммит Ўзбекистон Республикаси Рақамли технологиялар вазирлиги, Олий Мажлис Қонунчилик палатаси, ILMA, Киберхавфсизлик маркази, шунингдек етакчи банклар ва технологик компаниялар, жумладан AI Alliance, Yandex Tech, Kapital Bank, Ipak Yuli Bank, Pro Data-Tech, Cybernet AI Uzbekistan, TBC Uzbekistan ва бошқаларнинг вакилларини жамлади.

 Қатнашчиларнинг бундай таркиби AI-ечимларни кенг ёйиш ҳамда мамлакат рақамли иқтисодиётини ривожлантириш учун давлат, тартибга солувчилар ва бизнеснинг саъй-ҳаракатларини мувофиқлаштириш муҳимлигини таъкидлаб кўрсатди. Бу маънода HUMO тўлов тизими миқёсида технологиялар татбиқ этилишини таъминловчи инфратузилмавий қатнашчилардан бири сифатида иштирок этади.

  Қутлов сўзи билан Ўзбекистон Республикаси Рақамли технологиялар вазирининг биринчи ўринбосари Олег Пекос чиқиш қилди:

“Ўзбекистон учун сунъий интеллект – бу технологиялар масаласигина эмас, балки иқтисодиётнинг рақобатбардошлиги, давлат бошқарувининг самарадорлиги ва рақамли сервислар сифати масаласи ҳамдир. Бугунги кунда давлат, бозор ва технологик компаниялар ягона мантиқ асосида иш юритишлари ва муҳим тармоқларда AI’нинг амалий татбиғи учун шароитлар яратишлари алоҳида аҳамиятга эга”.

Саммит Ўзбекистоннинг AI-салоҳиятини муҳокама қилишдан уни HUMO рақамли ечимларни кенг ёйишнинг асосий нуқталаридан бири бўладиган иқтисодиётнинг асосий тармоқларида амалий жорий этишга ўтишини тасдиқлади.

HUMO’нинг инфратузилма драйвери сифатидаги роли 

“Миллий банклараро процессинг маркази“ АЖ (HUMO), саммитнинг расмий ҳамкори сифатида, асосий сессияларда фаол иштирок этди ва тармоқ кун тартибининг шаклланишига ўз ҳиссасини қўшди.

 Саммитда қатнашиш HUMO’га қуйидаги имкониятларни берди:

• тўлов инфратузилмасининг AI’ни кенг ёйиш учун асос сифатидаги ролини белгилаш;

• хатарлар ва хавфсизлик масалалари бўйича эксперт мақомини тақдим этиш;

• молия тизимида AI’ни татбиқ этишнинг амалий ёндашувлари билан ўртоқлашиш;

• давлат идоралари, тартибга солувчилар ва бозор қатнашчилари билан тизимли ўзаро ҳамкорликни давом эттириш.

Стратегик мулоқот: давлат, тартибга солувчилар ва индустрия

Сессиянинг алоҳида мазмунга эга нуқтаси HUMO МБПМ архитектуравий ечимлар бўлими бошлиғи Евгения Уменнинг маърузаси бўлди. Чиқишда қандай қилиб бир вақтнинг ўзида AI-ечимлар тезлигини таъминлаш ҳамда архитектуравий, амалиёт ва инфратузилма хатарларини назоратда ушлаш мумкинлиги масаласи кўтарилди.

 Панел муҳокамасида Ўзбекистон Республикаси Рақамли технологиялар вазирининг биринчи ўринбосари Олег Пекос, Олий Мажлис Қонунчилик палатаси Инновацион ривожланиш ва ахборот технологиялари қўмитасининг раиси Илҳом Абдуллаев, HUMO бошқарув раиси ўринбосари Динар Самигуллин, ILMA электрон тижорат бошқармаси бошлиғи Камронбек Мухаммадиев, шунингдек “AI Alliance” бошқарувчи директори Азиз Муҳитдинов қатнашди.

 Томонлар AI-экотизими ривожини, давлат ва бизнеснинг ролини, шунингдек бозор қатнашчилари ўртасида барқарор муносабатларни қуриш заруратини муҳокама қилдилар.

 “HUMO учун сунъий интеллект – бу шунчаки истиқболли йўналиш эмас, балки тўлов инфратузилмаси, рақамли сервислар ва тизим барқарорлигини оширишнинг реал воситасидир. AI’ни технология ўлароқ татбиқ этибгина қолмай, у мижоз, бизнес ва бутун экотизим учун ўлчаб бўладиган самара келтиришининг сценарийларини топиш муҳимдир”, – қайд этди Динар Самигуллин.

 Муҳокама якунларига кўра қатнашчилар давлат идоралари, тартибга солувчилар ва тўлов ҳамда молия бозори қатнашчилари ўртасида AI жорий этилиши юзасидан ўзаро мувофиқлашган ёндашувларга, норматив базанинг ривожланишига ва тўлов инфратузилмаси ҳамда рақамли иқтисодиётда технологияларнинг хавфсиз кенг ёйилишини таъминлашга қаратилган ўзаро тизимли муносабатларни ўрнатиш зарур, деган якдил хулосага келдилар.

 Стратегик сессия доирасида HUMO AI-экотизими ривожида тўлов инфратузилмасининг муҳим ролини белгилаб берди ҳамда давлат, тартибга солувчилар ва бозорнинг ўзаро муносабатларига ёндашувларни шакллантирувчи қатнашчилардан бири бўлди.

AI – банкларда, финтехда ва тўлов инфратузилмасида

Саммитнинг иккинчи сессияси – “AI – банкларда, финтехда ва тўлов инфратузилмасида” – AI’дан молиявий тизимнинг асосий сегментларида амалий фойдаланишга бағишланди ва унда алоҳида эътибор рақамли ўзгаришларнинг драйверларидан бири сифатида тўлов инфратузилмасига қаратилди.

 Панел муҳокамасида HUMO эквайринг ва эмиссия департаментининг директори Ислом Диёров, Алексей Катрич, Director, Fintech Solutions & Revenue, Yango Tech, Дилшат Махпиров, CDO Kapital Bank, Бауржан Аубакир, CDO Ipak Yuli Bank қатнашди.

 Қатнашчилар операцион самарадорликни ошириш, мижоз сервисларини ривожлантириш ва хавфсизлик тизимларини кучайтириш учун AI’дан фойдаланиш масалаларини муҳокама этдилар. Транзакция маълумотлари билан ишлаш ва банк тизимлари билан интеграция ҳисобига AI-ечимларни кенг ёйишдаги асосий унсур сифатида тўлов инфратузилмаси, жумладан HUMO’нинг ролига алоҳида эътибор қаратилди.

 Муҳокамада намоён бўлганидек, Ўзбекистон молия тармоғида AI синов-тажриба босқичидан амалий қўллаш босқичига ўтди ва тармоқ самарадорлиги ва барқарорлигини оширишнинг муҳим воситасига айланди. Иккинчи сессия давомида HUMO, молия тармоғида технологияларни татбиқ этишнинг ва янги авлод рақамли сервислари ривожининг драйверларидан бири сифатидаги мақомини мустаҳкамлаб, тўлов инфратузилмасида AI’дан амалий фойдаланишни намоён этди.

AI-инфратузилма, маълумотлар ва киберхавфсизлик

Учинчи сессия сунъий интеллект экотизимини ривожлантиришнинг асосий элементлари: инфратузилма, маълумотлар ва киберхавфсизликка бағишланди.

 Муҳокамада HUMO ва технологик компаниялар вакиллари қатнашдилар. Асосий эътибор марказида – рақамли тизимларни ҳимоялаш, хатарларни бошқариш ва давлат ҳамда бизнес ўртасидаги мувофиқлаштирув зарурати.

 HUMO номидан Алексей Голенишев чиқиш қилди ва қаллобликка қарши туришда ҳамда тўлов тизимининг барқарорлигини оширишда AI’дан фойдаланишга амалий қарашларни тақдим этди. Чиқишда молиявий жиноятларга қарши самарали курашиш нафақат технологияларни, балки бозор қатнашчиларининг ўзаро тизимли ҳамкорлигини ҳам талаб этиши таъкидланди.

 AI’да хотин-қизлар: етакчилик ва янги роллар

Саммитнинг алоҳида блоки сунъий интеллектни ривожлантиришда ва рақамли трансформациядаги хотин-қизлар ролига бағишланган “AI’даги хотин-қизлар” сессияси бўлди.

 Қатнашчилар карьера трекларини, профессионал камолотни ва хотин-қизларнинг минтақа AI-экотизимини шакллантиришга ҳиссасини муҳокама қилдилар.

 HUMO учун аҳамияти

HUMOнинг саммит расмий ҳамкори сифатида қатнашиши компаниянинг тўлов инфратузилмасида AI’ни ривожлантиришдаги ва мамлакат рақамли молиявий экотизимини шакллантиришдаги стратегик ролини тасдиқлайди.

 Компания тўлов тизимининг хавфсизлиги, самарадорлиги ва барқарорлигини оширишга қаратилган ечимларни ривожлантиришда давом этади, шунингдек Ўзбекистоннинг замонавий технологик кун тартибини шакллантиришда фаол қатнашади.

Sayt | Instagram | Facebook | Telegram | Linkedin

Реклама ҳуқуқи асосида