Президент Администрацияси раҳбари Саида Мирзиёева Қозоғистон президенти Қосим-Жўмарт Тўқаев билан учрашди.
“Бугун Қозоғистон президенти Қосим-Жўмарт Тўқаев билан учрашув бўлиб ўтди. Президентимиз Шавкат Мирзиёевнинг самимий саломи ва эзгу тилакларини етказдим”, деб ёзди у ўз Telegram-каналида.
Президент Администрацияси раҳбарининг таъкидлашича, Қозоғистон Ўзбекистон учун шунчаки қўшни юрт эмас, балки яқин дўст, ишончли стратегик ҳамкор ва иттифоқчидир.
Мирзиёева илиқ қабул ва мамлакатлар ўртасидаги қардошлик-биродарлик ришталарини янада мустаҳкамлаш борасидаги қатъий интилишлари учун Қозоғистон президентига миннатдорлик билдирган.
Аввалроқ Саида Мирзиёева Тошкент халқаро форумида иштирок этиш учун келган Россия ҳукумати раиси Михаил Мишустин билан учрашганди.
