Венесуэладаги вайронкор зилзила оқибатлари – суратлар

24 июн куни кечқурун Венесуэлада 38 сония оралиғида 7,2 ва 7,5 магнитудали иккита зилзила рўй берди. АҚШ Геология хизмати баҳолашича, икки ер силкиниши ҳам мамлакат пойтахти Каракасдан 160 километр ғарбдаги ҳудудда содир бўлган. Зилзила кучи Каракасдаги биноларни ҳам қулатган, Кариб денгизи соҳилидаги Ла-Гуайра штати эса ҳодисадан энг кўп жабр кўрган ҳудуд бўлган. 25 июн куни эрталаб берилган маълумотларга кўра, 32 киши ҳалок бўлиб, 700 дан ортиқ киши яраланган. Расмийлар қурбонлар сони кўпроқ бўлиши мумкинлигини истисно этмаяпти. АҚШ Геология хизмати минглаб кишилар ҳалок бўлгани, қурбонлар сони 10 мингдан ҳам ошиши мумкинлигини прогноз қилган. Мамлакатда сўнгги 100 йилдан ортиқ вақт ичидаги энг кучлиси бўлган ушбу зилзила кучини Бразилия шимолида ҳам сезишган.

Венесуэлада фавқулодда ҳолат эълон қилинди. Вайронгарчиликлар туфайли Каракасдаги халқаро аэропорт фаолияти тўхтатилган, расмийлар тура жойларга газ узатишни тўхтатган. АҚШ ва Лотин Америкаси мамлакатлари Венесуэлага ёрдам ваъда қилмоқда. Қуйида ушбу вайронкор зилзила оқибатлари акс этган суратлар келтирилади.