Қўшимча функционаллар
-
Тунги кўриниш
Тўлиқ электрлаштирилган Range Rover Sport тақдим этилди
Британиянинг Land Rover компанияси тез орада тўлиқ электрлаштирилган Range Rover Sport модели пайдо бўлишини тасдиқлади. Модель прототипи Гудвуддаги ёпиқ намойишда кўрсатилди.
Компаниянинг ваъда беришича, янги версия ўзининг йўлтанламаслик хусусиятларини сақлаб қолган ҳолда “янада динамик ва тезроқ” бўлади.
Электр кроссовер махсус синовлар давомида ўз имкониятларини намойиш этди: автомобил самолёт фюзелажидан чиқиб, зинапоялардан ўтди ва трасса бўйлаб ҳаракатланди. Бу электромобил ўзидан олдинги бензинли моделларнинг йўлтанламаслик қобилиятини сақлаб қолганини яққол кўрсатди.
Янги версия “унумдор йўлтанламаслар ҳақидаги тасаввурни бутунлай ўзгартириши” кутилмоқда, электр моторининг қуввати эса 542 от кучини ташкил этади.
Прототип ташқи кўриниши жиҳатидан амалдаги 2022 йилги Range Rover Sport дизайнини сақлаб қолган, аммо бошқача ғилдирак дисклари ва ёритиш техникаси элементларига эга бўлган. Серияли версиянинг ташқи кўриниши, эҳтимол, ўзгача бўлади.
Янгиланган Range Rover Sport двигателлари қатори ўзининг хилма-хиллигини сақлаб қолади: харидорлар электр версиядан ташқари, олти цилиндрли бензинли ва дизелли двигателлар, гибрид V8 ҳамда плагин-гибрид модификацияларни танлаши мумкин бўлади.
