Халқаро кимё олимпиадасида ўзбекистонлик ўқувчилар 4 та медал қўлга киритди

18 июл куни 58-Халқаро кимё олимпиадасининг тантанали тақдирлаш маросими бўлиб ўтди. Унда Ўзбекистондан иштирок этган ўқувчиларнинг барчаси совринли ўринларни эгаллади. Хусусан:

• Райҳона Туймуродова — олтин медал;
• Жасур Мустафоев — кумуш медал;
• Азизмуҳаммад Ҳафизов — кумуш медал;
• Миржалол Ҳомиджонов — кумуш медални қўлга киритди.

Маълумот ўрнида, президентнинг 2024 йил 30 сентябрдаги тегишли қарорига мувофиқ, нуфузли халқаро олимпиадаларда эришган медаллар учун ўзбекистонлик иштирокчилар учун қуйидаги пул мукофотлари берилиши кўзда тутилган:

• олтин медал учун — 1 млрд. 30 млн. сўм, ўқитувчисига — 185,4 млн. сўм;
• кумуш медал учун — 618 млн. сўм, ўқитувчисига — 103 млн. сўм;
• бронза медал учун — 412 млн. сўм, ўқитувчисига — 61,8 млн. сўм.

Шунингдек, мазкур олимпиада ғолибларини синовларга тайёрлаган ўқитувчиларнинг малака тоифаси бир поғона кўтарилиши белгиланган.