АҚШ, Мексика ва Канада мезбонлигида ўтган футбол бўйича 23-жаҳон чемпионати якунига етди. Испания миллий жамоаси финалда амалдаги чемпионлар ҳисобланган Аргентинани мағлуб этди. Бу сафарги мундиал иштирокчилар сони (48), ўтказилган ўйинлар сони (104) ва давомийлиги бўйича рекорд ўрнатди – очилиш ўйини ва финалгача 39 кун ўтди. Қуйида ушбу турнир қанчалик ёрқин ва ҳиссиётларга бой ўтгани акс этган суратлар келтирилади.

Берлиндаги лютеранлар черковида Германия ўйинини кузатаётган мухлислар. Германия қаторасига учинчи жаҳон чемпионатида муваффақиятсиз иштирок этиб, турнирни 1/16 финалда Парагвайга ютқазиб тарк этди. 2026 йил 14 июн
Tobias Schwarz / AFP / Scanpix / LETA
Эрон байроғини кўтарган мухлис Янги Зеландияга қарши ўйин олдидан. АҚШ билан уруш туфайли Эрон миллий жамоаси, гуруҳ босқичидаги учала ўйини ҳам Қўшма Штатларда ўтказилган бўлса-да, қўшни Мексикадан қатнашига тўғри келди. Америка ҳукумати талабига кўра, эронлик футболчилар ўйиндан кейин дарҳол АҚШ ҳудудини тарк этиши лозим эди – жамоа вакиллари бу футболчиларнинг тикланиш жараёнига ва алал-оқибат ўйинлардаги натижаларга таъсир кўрсатишини айтиб, шикоят қилишди. ФИФА АҚШ ҳукумати қарорлари юзасидан муносабат билдирмади. 2026 йил 15 июн
Jae C. Hong / AP / Scanpix / LETA
Кабо-Верде дарвозабони Возиня Испания билан голсиз дурангдан кейин. Кабо-Верде турнирнинг бош сенсациясига айланди: 580 минг киши истиқомат қилувчи мамлакат вакиллари гуруҳ босқичидаги учта ўйинда ҳам дуранг ўйнаб, плей-оффга чиқди, 1/16 финалда эса аргентиналикларга қарши асосий ўйинда дуранг қайд этиб, фақат қўшимча бўлимларда мағлуб бўлди. Бунгача Португалиянинг қуйи дивизионларида ўйнаган 40 ёшли Возиня эса турнирдаги сейвлари билан Европанинг катта клублари назарига тушди. 2026 йил 15 июн
Patrick Smith / FIFA via Getty Images
Ғазо сектори аҳолиси Саудия Арабистони ва Испания ўртасидаги ўйин трансляциясини кузатмоқда. 2026 йил 21 июн
Abdel Kareem Hana / AP / Scanpix / LETA
Ўзбекистон миллий жамоаси фанатлари Португалияга қарши ўйин олдидан. Ўзбекистон учун бу тарихдаги илк мундиал бўлди, аммо жамоа гуруҳ босқичидаги барча ўйинларида ютқазди. 2026 йил 23 июн
Ashley Landis / AP / Scanpix / LETA
Мексикалик футболчилар дарвозабон Гилермо Очоани юқорига ирғитмоқда. 40 ёшли Очоа учун бу фаолиятидаги олтинчи жаҳон чемпионати бўлди. Навбатдаги мундиалда захира дарвозабони сифатида қатнашган Очоа гуруҳ босқичининг сўнгги турида Чехияга қарши кечган ўйиннинг охирида (Мексика миллий жамоаси икки турдан кейин плей-офф масаласини ҳал қилиб бўлганди) майдонга туширилди ва унда Мехикодаги трибуналарда йиғилган мухлислар билан хайрлашиш имкони бўлди. 2026 йил 24 июн
Hector Vivas / FIFA via Getty Images
Бразилиялик ҳужумчи Неймар Шотландияга қарши ўйинда. 34 ёшли футболчи уч йиллик танаффусдан кейин жаҳон чемпионатида иштирок этиш учун миллий жамоага қайтди, аммо Бразилия турнирда узоққа бора олмади: беш карра жаҳон чемпионлари 1990 йилдан буён илк бор иштирокини 1/8 финалдаёқ тўхтатди. Неймар пеналтидан битта гол уриш билан кифояланди. 2026 йил 24 июн
Chandan Khanna / AFP / Scanpix / LETA
Калифорния штати Санта-Круз шаҳридаги пляжда АҚШ ва Туркия ўртасидаги ўйинни томоша қилаётган мухлислар. 2026 йил 26 июн
Noah Berger / AP / Scanpix / LETA
Қоҳирада Миср миллий жамоасининг Эронга қарши ўйинини кузатаётган мухлислар. Миср бу сафарги жаҳон чемпионатида ўз тарихидаги энг яхши натижасини қайд этди. Жамоа 1/8 финалгача етиб борди ва Аргентинага жиддий қаршилик кўрсатиб, фақат сўнгги дақиқалардаги голлар туфайли 2:3 ҳисобида ютқазиб қўйди. 2026 йил 27 июн
Doaa Adel / NurPhoto via Getty Images
Килиан Мбаппе 1/16 финалда Швецияга қарши ўйинда. Франция миллий жамоасининг ушбу ҳужумчиси жами 10 гол уриб, турнирнинг энг яхши тўпурарига айланди. Шунингдек, барча жаҳон чемпионатларида урилган голлари сонини 22 тага етказган – бу орқали у шу турнир давомида Мирослав Клозенинг рекордини янгилаган Лионел Мессининг рекордини (21 гол) янгилади. 2026 йил 30 июн
Justin Setterfield / Getty Images
АҚШ миллий жамоаси футболчилари 1/16 финалда Босния устидан қозонилган ғалабани нишонламоқда. 2026 йил 1 июл
Finn Gomez / Getty Images
Криштиану Роналду 1/16 финалда Португалия ва Хорватия ўртасида кечган ўйиндан кейин Лука Модрични қучмоқда. Ўша вақтда кўпчилик бу 40 ёшли Модрич фаолиятидаги сўнгги ўйин бўлиб қолишини тахмин қилаётганди, аммо бир неча кун ўтиб у «Милан» билан шартномани узайтириш ва миллий жамоа сафида ўйнашда давом этиш ниятида экани маълум бўлди. Португалия кейинги босқичда Испанияга ютқазиб, турнирни тарк этди, 41 ёшли Роналду эса бу унинг фаолиятидаги сўнгги жаҳон чемпионати бўлиб қолишини маълум қилди, аммо у Португалия миллий жамоасини қачон тарк этиши маълум эмас. 2026 йил 2 июл
Jeenah Moon / Reuters / Scanpix / LETA
Киевдаги метрода Белгия ва Сенегал ўртасидаги ўйинни кузатаётган ўсмир, шаҳарда одамлар Россия ҳаво ҳужумидан жон сақлаш учун кечалари метрода тунашига тўғри келмоқда. Ўша тундаги ҳужум қурбонлари сони 31 нафарни ташкил этиб, 100 дан ортиқ киши яраланганди. 2026 йил 1 июл
Roman Pilipey / AFP / Scanpix / LETA
Норвегия миллий жамоаси футболчилари Бразилия билан ўйиндаги ғалабадан кейин Эрлинг Ҳоланд бошчилигида «викингча эшкак эшиш» маросимини ўтказмоқда. Норвегия миллий жаомаси мухлислари ҳам жамоа ўйинлари вақтида «викингча эшкак эшиш» билан машғул бўлишди ва бу турнир рамзларидан бирига айланди. 2026 йил 5 июл
Dan Mullan / Getty Images / AFP / Scanpix / LETA
Англия миллий жамоаси ҳужумчиси Ҳарри Кейн 1/8 финалда Мексикага қарши ўйинда. Ўшанда инглизлар бир киши кам бўлганига қарамай, 3:2 ҳисобида ғалаба қозонганди. Мексика бунгача тўрт ўйинда ўз дарвозасини дахлсиз сақлаб қолганди, аммо турнирдаги иштирокини 1/8 финалда якунлади. 2026 йил 5 июл
Julian Finney / FIFA via Getty Images
Марокаш миллий жамоаси дарвозабони Ёсин Буну Францияга қарши ўйинда Килиан Мбаппенинг зарбасини ўтказиб юбормоқда. Марокаш тўрт йил олдинги жаҳон чемпионатида Африканинг яримфиналда ўйнаган илк вакилига айланганди. Бу сафар марокашликлар чоракфиналда французларга ютқазди. 2026 йил 9 июл
Angela Weiss / AFP / Scanpix / LETA
Лионел Месси чоракфиналда Швейцарияга қарши кечган ўйинда бурчак зарбасини ижро этишга тайёрланмоқда. Аргентинанинг финалгача йўли осон кечмади: Швейцария ва Кабо-Вердега қарши ўйинлар қўшимча бўлимларга ўтди, Миср ва Англияга қарши ўйинларда сўнгги дақиқаларда камбэк қилиш талаб этилди. 2026 йил 11 июл
Julian Finney / FIFA via Getty Images
Эрлинг Ҳоланд АҚШдан қайтишда самолёт трапида. Норвегия миллий жамоаси турнир тарихидаги энг яхши натижасини қайд этиб, чоракфиналгача етиб борди. Ҳоланднинг ўзи еттита гол урди ва ушбу жаҳон чемпионатида катта машҳурликка эришган футболчилардан бирига айланди. 2026 йил 13 июл
Jan Langhaug / EPA / Scanpix / LETA
Педро Порро яримфиналда Францияга қарши ўйинда ғалаба голини урмоқда. Бундан олдинги икки жаҳон чемпионатида финалга чиққан Франция Испанияга 0:2 ҳисобида ютқазди ва қаторасига учинчи финалга чиққан жамоа номини ололмади. 2026 йил 14 июл
Ryan Pierse / FIFA via Getty Images
Франция миллий жамоаси мухлислари Испанияга қарши яримфинал ўйини чоғида Париждаги кафеда. Франция ўз миллий байрами – Бастилия ишғол этилган кунда ўтказилган ўйинда ютқазиб қўйди. 2026 йил 14 июл
Martin Lelievre / AFP / Scanpix / LETA
Аргентина миллий жамоаси яримҳимоячиси Жовани Ло Челсо яримфиналда Англияга қарши кечган ўйиндан кейин сиёсий баннер кўтарди: Унда «Малвин оролари Аргентинаники» деб ёзилган. Малвин Фолкленд оролининг испанча номи бўлиб, ушбу орол учун 1982 йилда Аргентина ва Буюк Британия ўртасида уруш бўлиб ўтган. Шу уруш туфайли ҳам бу жамоаларнинг ўзаро тўқнашуви доимо принципиал характер касб этади. Жаҳон чемпионатидан кейин ушбу ҳолат ФИФА интизомий қўмитаси томонидан кўриб чиқилади – футболчиларга сиёсий акцияларда қатнашиш тақиқланган. 2026 йил 15 июл
Jewel Samad / AFP / Scanpix / LETA
Жуд Беллингҳэм учинчи ўрин учун кечган баҳсда Франция дарвозасига охирги голни урмоқда. Бу ўйин жаҳон чемпионатининг энг сермаҳсул ўйинига айланди ва унда Англия 6:4 ҳисобида ғалаба қозонди. 2026 йил 18 июл
Lynne Sladky / AP / Scanpix / LETA
Ферран Торреснинг Аргентинага қарши ўйинда ғалаба келтирган голи. 2026 йил 19 июл
Jewel Samad / AFP / Scanpix / LETA
Испания миллий жамоаси футболчилари Мадрид марказида ғалабани нишонлашмоқда. 2026 йил 19 июл
Bernat Armangue / AP / Scanpix / LETA
ФИФА президенти Жанни Инфантино ва АҚШ президенти Доналд Трамп тақдирлаш маросими арафасида. 2026 йил 19 июл
Justin Setterfield / Getty Images / AFP / Scanpix / LETA
Испания миллий жамоаси футболчилари жаҳон кубоги билан. Испанлар учун бу тарихдаги иккинчи чемпионлик бўлди, улар биринчи бор 2010 йилда жаҳон чемпионига айланишганди. 2026 йил 19 июл
Justin Setterfield / Getty Images