Шавкат Мирзиёев раислигида 27 июл куни ўтказилган селекторда Сурхондарёдаги буғ-газ электр станцияси қурилиши учун жой нотўғри танлангани танқид қилинди.
Қайд этилишича, газни станцияга етказиш учун 300 миллион доллар сарфлашга тўғри келмоқда.
Ташаббускор билан тузилган шартнома шартлари пухта ўрганилмагани қўшимча харажат юзага келиш эҳтимолини пайдо қилган. Масъулларга шартнома шартларини қайта кўриб чиқиш топширилди.
Шунингдек, «Миллий электр тармоқлари», «Иссиқлик электр станциялари», «Трансгаз» ва «Ҳудудгаз» раҳбарларига йил якунигача синов муддати белгиланган бўлиб, натижа бўлмаса, улар ишдан кетиши ҳақида огоҳлантирилди.
