АҚШ президенти Доналд Трамп Испаниянинг Сеута шаҳрига марокашлик ўн минглаб мигрантлар кириб келганидан сўнг вужудга келган вазиятни «даҳшатли» деб атади.
«Бу даҳшатли», — деди у Fox News телеканалига берган интервюсида.
«Бу кадрларни эслаб қолинг. Агар бошқа томон ғалаба қозонадиган бўлса, уч йилдан биз ҳам худди шундай вазиятда қоламиз», — дея қўшимча қилди Трамп ноябрда АҚШда бўлиб ўтадиган оралиқ сайловларни назарда тутиб.
Миграцияга қарши курашни ўз президентлигининг асосий вазифаларидан бирига айлантирган Трамп америкаликларни агар демократлар конгресс устидан назоратни қўлга киритишса, «улар яхши яшамаслиги» ҳақида огоҳлантирди.
Маҳаллий ОАВнинг ёзишича, Оқ уйдагилар Сеутадаги воқеаларга «ултрасўл глобалистик сиёсат» олиб бораётганлар жавобгар эканлигини билдирмоқда.
Испания ҳукумати раҳбари Педро Санчес эса «одам савдоси билан шуғулланувчи мафиячи гуруҳлар»ни айблаган.
Испания ички ишлар вазирлигининг билдиришича, Испанияга ноқонуний йўл билан кириб келганларнинг 37 мингдан зиёди Марокашга қайтарилган.
