Колумбиядаги вайронкор зилзила оқибатлари – суратлар

10 август куни Колумбия ғарбида 7,4 магнитудали зилзила рўй берди – бу мамлакат учун сўнгги ўн йилликлардаги энг жиддий табиий офатга айланди. АҚШ Геология хизматига кўра, зилзила эпимаркази пойтахт Боготадан тахминан 400 километр ғарбдаги Сан-Хосе-дел-Палмар муниципалитетида жойлашган. Зилзила Кали (мамлакатнинг энг йирик учинчи шаҳри) ва бошқа шаҳарлар, жумладан, Перейра, Кибдо ва Манисалесга ҳам таъсир кўрсатган. Шунингдек, қўшни Венесуэла, Эквадор ва Панамада ҳам силкиниш кучини ҳис қилишган. Сўнгги маълумотларга кўра, Колумбияда зилзила оқибатида 132 киши ҳалок бўлган. Мамлакат президенти Абелардо де ла Эсприэлянинг сўзларига кўра, 1600 га яқин бино шикастланган, шундан камида 61 таси буткул вайрон бўлган. Мамлакатда фавқулодда ҳолат режими эълон қилинган. Қутқарувчилар харобаларни тозалаш ишларини давом этмоқда ва бу қурбонлар сони ортишига олиб келиши мумкин.