10 август куни партиянинг Дума сайловида иштирок этиши тақиқланган эди. Суд бу қарорни «Родина» партиясининг даъвоси асосида қабул қилган. Даъво аризасида «Яблоко» ўз ташвиқотида муаллифлик ҳуқуқларини бузгани ҳамда хориждан молиялаштирилгани айтилган.
17 август куни «Яблоко»нинг апелляция шикояти кўриб чиқилаётган маҳкама мажлиси вақтида полиция Олий суд биноси олдида 85 нафардан ортиқ одамни қўлга олди. Якунда суд қарор устидан берилган шикоятни рад этди.
Давлат Думасига сайлов 2026 йил 20 сентябрда бўлиб ўтади. «Яблоко» — Россияда сайловларга «Тинчлик ва эркинлик учун!» деган урушга қарши шиор билан бораётган ягона партия эди.
«Meduza» нашрининг президент Путин маъмуриятига яқин манбалари 2025 йилнинг кузидаёқ «яблокочилар» бундай шиор билан федерал даражадаги сайловда қатнаша олмаслигини айтган эди. Президент маъмуриятининг сиёсий блоки дастлаб Дума кампаниясини «консерватив сценарий бўйича», яъни бошқариладиган иштирокчилар билан ўтказишни режалаштирган. «Яблоко» сайловда қатнашиш учун рўйхатга олинган, бироқ партия рейтинги ўса бошлагач, «хатарларнинг олдини олиш» мақсадида четлатилган, деган эди «Meduza» манбалари.
