Президент Шавкат Мирзиёев Хоразмда тадбиркорлар билан очиқ мулоқот ўтказмоқда. Бугунги анжуманда илк бор туман студияларидан ҳам 25 мингга яқин тадбиркор иштирок этмоқда.
Давлат раҳбари мамлакат иқтисодий қудратини мустаҳкамлашга фаол ҳисса қўшаётган 1 миллион 200 минглик бизнес ҳамжамиятини Тадбиркорлар куни билан табриклади.
Беш йил олдин тадбиркорлар билан очиқ мулоқот ўтказиш анъанаси бошланганидан буён бизнесга тўсиқ бўлган минглаб масалаларга ечим берилди. Бу борада 84 та қонун, 861 та фармон ва қарор қабул қилинди.
“Нима учун? Тадбиркорларимизга шароит яратиб, янги иш ўринларини кўпайтириш, одамларимизни узоққа бормасдан, маҳалласининг ўзида даромадли қилиш учун!” – деди президент.
Ўтган даврда бизнес учун ажратилган кредит портфели қарийб 3 карра ошиб, 450 триллион сўмга етди. Тадбиркорлар 650 триллион сўмлик солиқ ва божхона имтиёзларидан фойдаланди.
Кўплаб бизнес вакиллари хорижий банклардан ўз лойиҳаларига мустақил равишда 1 миллиард доллар жалб қилди. Шавкат Мирзиёев буни ўзбекистонлик тадбиркорлар забт этган яна бир улкан марра сифатида баҳолади.
“Бугун тадбиркорларимиз “бизнесни бошлаш” босқичидан “капитални кўпайтириш” босқичига ўтяпти”, – деди давлат раҳбари.
Шавкат Мирзиёевнинг таъкидлашича, сўнгги беш йилда:
- корхоналарнинг асосий капиталга инвестицияси 3 карра кўпайиб, 363 триллион сўмга етди;
- саноати 100 миллион доллардан ошган туманлар сони 66 тадан 116 тага кўпайди;
- ахборот технологиялари, финтех ва бошқа сервис соҳаларининг жадал ривожланаётгани ҳисобига хизматлар ҳажми 1 триллион сўмлик маррадан ўтган туманлар сони 41 тадан 152 тага етди;
- етакчи халқаро маркетплейслар билан ишлаётган корхоналар 3,5 мингтани ташкил этмоқда;
- бизнесини маҳаллада бошлаб, мамлакат бўйлаб ўнлаб филиалларга эга тадбиркорлар 550 тадан, миллий брендини яратганлар 300 тадан ошди;
- мис, олтин, металл прокат, полиетилен, ПВХ, каолин ва бошқа хомашёларнинг таклифи оширилди, натижада электротехника, қурилиш материаллари, фарма
