28 август куни давлат раҳбари Янги Ўзбекистон боғидаги Мустақиллик монументини зиёрат қилди.
Ушбу маҳобатли мажмуада халқимизнинг кўп асрлик тарихи, буюк алломалар ва жаҳонгир аждодларимиз сиймолари, шунингдек, юртимиз тараққиётидаги муҳим воқеалар ўз ифодасини топган.
Монумент чўққисидаги Ҳумо қуши озодлик ва эзгулик ғояларини, халқимизнинг олижаноб орзу-интилишларини ифода этади.
Ватан мустақиллигининг 35 йиллиги муносабати билан ўтказилган маросимда Олий Мажлис Қонунчилик палатаси ва Сенати, Президент администрацияси, Вазирлар Маҳкамаси ҳамда Тошкент шаҳар жамоатчилиги вакиллари иштирок этди.
