DW хабарига кўра, Лавров Европа бундай танаффус орқали Украинага ҳарбий захираларини тўлдириш учун вақт беришни исташини даъво қилган. Айни пайтда у Россия «барқарор ва адолатли тинчлик»ка эришиш учун музокараларга тайёрлигини айтган.
Лавров Рубио билан учрашди
БМТдаги чиқишидан олдин Лавров АҚШ давлат котиби Марко Рубио билан учрашган. «Интерфакс» агентлиги маълумотига кўра, музокаралар қарийб бир соат давом этган.
Бу икки мамлакат ташқи сиёсат идоралари раҳбарларининг 2025 йилдан буён ўтказган бешинчи учрашуви бўлган.
Рубио эса Ню-Йоркда БМТ Бош Ассамблеяси доирасида Вашингтон сулҳга эришишда конструктив рол ўйнашга тайёрлигини яна бир бор таъкидлаган.
Путин Майамидаги саммитга таклиф қилинди
Аввалроқ Рубио АҚШ Россия президенти Владимир Путинни декабр ойида Майамида ўтказиладиган G20 саммитига таклиф қилганини маълум қилган эди.
«Муаммоларни ҳал қилиш учун келишмовчиликларингиз ёки муайян зиддиятларингиз бўлган одамлар билан учрашиш керак. Шунинг учун президент Путинни G20 саммитига таклиф қилдик», — деган АҚШ давлат котиби.
Унинг сўзларига кўра, саммит Россия раҳбарига АҚШ президенти Доналд Трамп ва бошқа дунё етакчилари билан учрашиш имконини беради.
«У бу таклифни қабул қилишига умид қиламиз», — дея қўшимча қилган Рубио.
