2026 йил 28 сентябрдаги ЎРҚ-1179-сон қонун билан қурилиш соҳасида давлат назорати ва бошқарувини такомиллаштиришга қаратилган ўзгартиш ва қўшимчалар киритилди.
«Лицензиялаш, рухсат бериш ва хабардор қилиш тартиб-таомиллари тўғрисида»ги қонунга киритилган ўзгартишларга кўра, қурилиш-монтаж ишларини бошлаш учун қурилиш ва уй-жой коммунал хўжалиги соҳасида назорат қилиш ҳудудий инспекцияларидан рухсатнома олиш талаб этилади.
Жиноят кодексига киритилган ўзгартишлар кўп квартирали уйларни мазкур инспекциялар рухсатномасисиз қуриш учун жавобгарликни назарда тутади. Шундай ҳаракат учун маъмурий жазо қўлланилганидан кейин қонунбузарлик яна содир этилса, уч йилдан беш йилгача озодликдан маҳрум қилиш жазоси қўлланилади.
Шунингдек, шаҳарсозлик тўғрисидаги қонунчиликни бузиш одам ўлишига ёхуд бошқа оғир оқибатларга олиб келса, беш йилдан етти йилгача озодликдан маҳрум қилиш билан жазоланади.
Қонун расмий эълон қилинган кундан эътиборан уч ой ўтгач кучга киради.
