19 октябр куни Самарқандда “Марказий Осиё – АҚШ” минтақавий мулоқоти доирасида беш республиканинг ташқи ишлар вазирлари Ўзбекистонга келган. Тадбир аввалидан вазирлар биргаликда фотосуратга тушишди. Иштирокчилар қаторида АҚШ президентининг Марказий ва Жанубий Осиё бўйича махсус вакили, АҚШнинг Ҳиндистондаги элчиси Сержио Гор ҳам бор.
Саммитда сўзга чиққан АҚШ давлат котибига кўра, “C5+1” Американинг минтақага садоқатини англатади.
“Биз Қўшма Штатлар, муҳим саноатимизни ва уларни қўллаб-қувватлайдиган таъминот занжирларини ҳимоя қилишга интиламиз, токи биз суверен ва мустақил давлат ҳамда иқтисод бўла олайлик ва ҳеч қачон хавфли хорижий ҳамкорларга ёки ҳатто рақибларга таяниб қолмаслигимиз лозим”, дейди Рубио.
Ва бу форум, C5+1, нафақат Американинг қизиқишини, балки Марказий Осиё мамлакатлари билан яқинроқ, тинч муносабатларни ривожлантиришга бўлган Американинг садоқатини ифодалайди, дея қўшимча қилди давлат котиби.
“Биргаликда, биз ўз мамлакатларимиз учун ресурслар, инвестиция имкониятлари ва савдо ҳамкорликларини таъминлашимиз мумкин, токи ҳар биримиз суверен давлатлар бўлиб қоламиз ва жамоавий фаровонлигимизни биргаликда оширамиз. Ўтган йили Оқ уйда бўлиб ўтган саммит транспорт, энергетика ва молия секторларимиз учун жами 25 млрд долларлик битимларга замин яратганди”, дея сўзини давом эттирди Марко Рубио.
