АҚШ президентининг махсус вакили Стив Уиткофф 21 октябр куни Санкт-Петербургга келди ва РФ президенти Владимир Путин билан урушни якунлаш бўйича музокара ўтказди. Учрашув аввалида Путин АҚШ фуқароси, Украина қуролли кучлари сафида жанг қилгани учун Россияда жазо муддатини ўтаётган Стивен Ҳаббардни озод қилганини билдирди. Уиткофф бунга жавобан Путинни «гуманист» деб атади – бу эса Қўшма Штатлардаги кўплаб юқори мартабали сиёсатчиларга (жумладан, Доналд Трампнинг партиядошларига ҳам) умуман ёқмади. Трамп ва унинг вице-президенти Вэнс Уиткоффни ҳимоя қилиб чиқишди. Қуйида воқеалар занжири иқтибослар орқали келтирилади.
Стивен Уиткофф, АҚШ президенти махсус вакили
(Путинга) Сиз президент Трампнинг инсонпарварлиги ҳақида жуда кўп гапирасиз. Ўзингиз ҳам гуманистсиз, сэр, бунинг учун сизга тан бераман.
Жони Эрнст, сенатор, Республикачилар партияси
Владимир Путин – бизнинг дўстимиз эмас, гуманист эмаслиги ҳам аниқ. Унинг Украинадаги бегуноҳ тинч аҳолига қилаётган тўхтовсиз ҳужумлари унинг инсон ҳаётига буткул бефарқ эканини кўрсатади. Хушомад қилиш бу урушга чек қўя олмайди. Фақат босим қилиш билан бунга эришиш мумкин.
Дон Бэкон, Вакиллар палатаси аъзоси, Республикачилар партияси
[Уиткофф]дан яна бир шармандалик.
Том Уиллис, сенатор, Республикачилар партияси
Бу нимаси, Стив? «Гуманист» сўзининг маъносини тушуниб ол. Қанчалар шармандали ва жирканч баёнот. Сен Украинага қайтиб, Путин ўғирлаб кетган ва ўлдириб юборган болалар оилаларидан дўстинг Путин – «гуманист» экани ҳақидаги фикрга қанчалик қўшилишини сўрашинг керак.
Жон Корнин, сенатор, Республикачилар партияси
Йўқ, Путин гуманист эмас, балки совуққон қотилдир.
Жин Шейхин, сенатор, Демократик партия
Владимир Путин – ҳарбий жиноятчи. У – минглаб украинларни сўз билан таърифлаб бўлмайдиган шафқатсизлик билан ўлдирган диктатор. Уиткоффнинг бу сўзлари жирканч ва шарманали.
Жей Ди Вэнс, АҚШ вице-президенти
