Xitoy shimolida joylashgan konni suv bosishi oqibatida 12 kishi ichkarida qolib ketdi, deb xabar bermoqda «Sinxua» agentligi. Voqea Shansi provinsiyasining Tszinchen shahrida yuz bergan.
O‘z navbatida, Shanghai Daily nashrining yozishicha, Xitoy janubidagi ko‘chki oqibatida halok bo‘lganlar soni 23 kishiga yetgan, 7 kishi jarohatlangan.
Bitsze shahriga yaqin qishloqda sodir bo‘lgan ko‘chki ostida 30 kishi qolib ketgan, ularni qutqarishga muvaffaq bo‘linmagan. Qutqaruv ishlariga 800 dan ziyod askar va qutqaruvchi safarbar etilgan.
