Foto: Bu bola oradan 8 yil o‘tib Felpsni Olimpiadada oltin medalsiz qoldirdi

22 karra Olimpiya chempioni bo‘lmish amerikalik suzuvchi Maykl Felps Rio-2016 doirasida 100 metr masofaga batterflyay usulida suzish bo‘yicha oltin medalni qo‘lga kirita olmadi.

Bundan avvalgi 3 olimpiadada bu masofada g‘oliblikni hech kimga bermagan Felps 12 avgust kuni singapurli Jozef Isaak Skulingga yutqazdi (50,39). Ikkinchi o‘rinni 3 sportchi bo‘lib oldi: Maykl Felps, vengr Laslo Chex va janubiy afrikalik Chad Le Klosning ko‘rsatkichlari bir xil bo‘ldi (51,14).

Skulingning g‘alabasidan keyin nashrlar e'tiborni boshqa jihatga qaratdi: ayni vaqtda bu yigitcha o‘z kumiri Maykl Felps 2008 yilda tushgan surat tarqalmoqda. Ular o‘shanda Pekindagi Olimpiya o‘yinlari arafsida tasodifan uchrashib qolishgan — amerikaliklar jamoasi o‘shanda turnirga Singapurda tayyorgarlik ko‘rgan. Felps shahar tashqarisiga chiqqanida uni 13 yoshli Skuling uchratib qolgan.

Hozirda Felps 31 yoshda, Skuling esa 21 yosh. 

Singapur Milliy Olimpiya Qo‘mitasi Jozef Skulingning bu muvaffaqiyatini munosib rag‘batlantirishga qaror qildi va unga 1 million AQSh dollari miqdorida mukofot puli ajratdi.