OAV: Hindistondagi novvoyxonada yuz bergan portlashda 3 kishi halok bo‘ldi

Hindiston poytaxti Yangi Dehlidagi novvoyxonalardan birida yuz bergan portlashda kamida 3 kishi halok bo‘lgan, ikki nafar odam jabrlangan. Bu haqda, Sinxua agentligi xabar qilgan.

Ma'lumotlarga ko‘ra, novvoyxona poytaxtning sharqiy qismida joylashgan bo‘lgan. Qurbonlar ushbu muassasa xodimlari ekani ta'kidlangan bo‘lsa-da, mijozlar orasida zararlanganlar bor yoki yo‘qligiga oydinlik kiritilmagan. 

Portlashdan so‘ng, voqea joyiga o‘t o‘chiruvchilar bo‘linmasi yetib kelgani aytilmoqda. Jabrlanganlar shifoxonada tibbiy yordam ko‘rsatilmoqda. Mazkur hodisa bo‘yicha tergov ishlari boshlab yuborilgan.