Finlyandiya bosh vaziri saylovchilar bilan uchrashish uchun velosipedda 300 km yo‘l bosib o‘tdi

Finlyandiya bosh vaziri Yuxa Sipilya saylovchilar bilan uchrashish uchun velosipedda 300 km yo‘l bosib o‘tdi, deb xabar bermoqda FlashNord.

Ta'kidlanishicha, velosayohat Lappeenrantidan boshlanib, Raume shahrida tugagan.

Xabarda aytilishicha, velosayohat ishtirokchilari – Sipilya yetakchilik qiladigan hukmron "Finlyand markazi" partiyasi a'zolari umumiy hisobda 500 km yo‘l bosib o‘tishgan. Ularga Sipilya ham qo‘shilgan.

Sayohat ishtirokchilari o‘z yo‘llarida kichik shahar va qishloqlar aholisi bilan uchrashish uchun 34 ta to‘xtashni amalga oshirishgan.