Nigeriya oyiga qancha neft daromadidan quruq qolayotgani ma'lum qilindi

Bugungi kunga kelib, qaroqchilik muammosini o‘rganish bilan shug‘ullanuvchi Oceans Beyond Piracy tashkiloti o‘tkazgan tadqiqot natijalariga ko‘ra, Gvineya ko‘rfazi kemachilik uchun eng tahdidli joyga aylangan. Time jurnali Chatham House hisobotiga tayangan holda yozishicha, qaroqchilik tufayli Nigeriya hukumati kuniga 400 ming barrel neftni yo‘qotadi. Shu bilan, ushbu mamlakat oyiga 1,5 mlrd dollarni boy bermoqda. 

XX asr oxirlariga kelib, jahon neft narxlari ko‘tarilishi va Niger daryosi quyi qismida neft qazib olishning rivojlanishi qora oltin mojarosini keltirib chiqardi. Bir tomonda igbo va ijo qabilalari ikkinchi tomondagi atrof-muhit isloslanishiga e'tibor bermagan neft kompaniyalariga qarshi kurashni avj oldirishdi. Natijada, norozilik kayfiyatidagi harakatlar va guruhlar paydo bo‘lib, ular o‘z noroziliklarini tinch usullar yordamida izhor qilishdi. 

Biroq, 2000-yillar o‘rtalariga kelib, daryo deltasida bir nechta harbiylashgan tuzilmalar paydo bo‘ldi. Ular neft konlariga qurolli hujum qilish bilan shug‘ullanib kelishmoqda.