Indoneziya hukumati Sumatra orolida zaharlangan havo tufayli maktablarni vaqtinchalikka yopdi

Indoneziyaning Sumatra orolidagi Riau viloyatida 30 avgust kuni o‘rmon yong‘inlaridan keyin havoning zararlanishi tufayli maktablardagi mashg‘ulotlar bekor qilindi.

Ayni vaqtda havoning zaharlanish ko‘rsatkichi 360 birlikka yetgan (bu ko‘rsatkich 200dan oshganida xavfli daraja hisoblanadi).

The Jakarta Post nashri xabariga ko‘ra, ba'zi hududlarda quyuq tutun paydo bo‘lgan, ko‘rish masofasi 500 metrgacha kamaygan.

Sog‘liqni saqlash boshqarmasi aholini ochiq havoda kamroq vaqt o‘tkazishga va maxsus niqoblar taqishga chaqirmoqda. Ma'lumotlarga ko‘ra, o‘rmon yong‘inlari 100 mingga yaqin kishining sog‘ligiga ta'sir ko‘rsatgan.