O‘zbekiston hukumati 3 sentabr kuni Samarqand aeroporti yopilishini tasdiqladi

Samarqand aeroportida shanba kuni barcha parvozlar bekor qilinadi. Bu ma'lumot O‘zbekiston Davavianazorat tomonidan tasdiqlangan.

«AQSh fuqaro aviatsiyasi (FAA) boshqarmasining uchuvchilarga bergan xabarnomasi (NOTAM) ma'lumoti to‘g‘ri, Samarqand aeroporti 3 sentabr kuni yopiladi», — degan Davavianazorat vakili.

Bundan oldinroq AQSh fuqaro aviatsiyasi boshqarmasi saytida Samarqanddagi aeroport ushbu sanaga belgilangan rasmiy parvozlardan tashqari barcha qo‘nuvchi va uchib ketuvchi samolyotlar uchun yopilishi, ushbu kunga belgilangan barcha ruxsatnomalar bekor qilinishi haqida xabar berilgandi.

Mazkur cheklov shanba kuni Toshkent vaqti bilan soat 00.01dan 3 sentabr kuni soat 23.59gacha amal qiladi.

Samarqand O‘zbekiston Prezidenti Islom Karimov tug‘ilgan shahar hisoblanadi. 3 sentabr kuni ushbu shaharda prezidentning dafn marosimi o‘tkaziladi.