Rossiya Markaziy banki plastik kupyuralar chiqarishi mumkin

Rossiya Markaziy banki Rossiyada 2018 yilda o‘tkaziladigan futbol bo‘yicha jahon chempionati sharafiga plastikdan ishlangan esdalik banknotasini chiqarishi mumkin. Bu haqda "Izvestiya" nashri xabar bermoqda. 

Bank raisi birinchi o‘rinbosari Georgiy Luntovskiyning aytishicha, esdalik banknotasi yuz rubllik kupyura bo‘ladi. U 20 mln ekzemplyarda chiqariladi.

"Biz bu banknota nafaqat Rossiyada, balki butun dunyoda tanilishini, u nafaqat kolleksionerlar, balki futbol ishqibozlari tomonidan ham talabgir bo‘lishini istaymiz", deb aytdi Luntovskiy.

Hozirda Shveytsariya va Buyuk Britaniyada banknotalar chiqarishda plastikdan foydalanilmoqda.