Gaitida "Mettyu" bo‘roni qurbonlari soni minggacha yetdi, deb xabar bermoqda Reuters axborot agentligi.
Avvalroq qurbonlar soni 877 kishi ekanligi ma'lum qilintgandi.
AQSh bo‘ronlarni kuzatish milliy markazi 9 oktabrda bo‘ronning post-tropik siklongacha zaiflashganini ma'lum qildi.
Bo‘ron 2007 yildan beri Atlantika okeanida yuz bergan eng kuchli bo‘ron bo‘ldi. Ayni vaqtda u AQShning janubi-sharqiy sohilbo‘yi hududi bo‘ylab o‘tmoqda. Oxirgi ma'lumotlarga ko‘ra, AQShda tabiiy ofatdan 18 kishi halok bo‘ldi.