BMTning yangi bosh kotibi Suriya urushiga izoh berdi

Suriya mojarosida ishtirok etayotgan tomonlarning barchasi urushni to‘xtatish zarurligini yaxshi anglab yetishlari darkor. Chunki bu urush butun dunyo xavfsizligiga tahdiddir, deb bayonot bergan BMTning navbatdagi bosh kotibi Antoniu Guterresh CNN telekanaliga bergan intervyusida.

"BMT va uning bosh kotibi tashkilot a'zolarining huquqlarini hurmat qilishi kerak. Ammo, u "ko‘priklarni barpo etish"da adolatli vositachi bo‘lishi darkor, deb o‘ylayman. Va ayniqsa, Suriya bilan bog‘liq vaziyatda mazkur urush butun dunyo uchun tahdid ekanini yetkazish uchun bor imkoniyatini ishga solishi kerak", — degan Guterresh.

"Bu urush, global terrorizm bilan bog‘liq. Har bir tomon manfaatlarini va qonuniyligini bir chetga surib, ziddiyatli tomonlar bilan mojaroga barham berishga erishish ustida ishlash vaqti keldi", — deb qo‘shimcha qilgan Guterrish.