Oliy Rada spikeri Rossiya tanklarini Pragaga o‘tkazmaslikka va'da berdi

Ukraina Oliy Radasi spikeri Andrey Parubiyning bayonot berishicha, Ukraina Yevropani Rossiyaning qurollangan agressiyasidan himoya qiladi, deb xabar qilmoqda Ukrinform. 

«Biz Rossiya tanklari boshqa hech qachon Pragaga qaytmasligi uchun barcha ishni qilamiz, biroq buning uchun bizni butun sivilizatsiyalashgan dunyo qo‘llab-quvvatlashi kerak», — degan Parubiy.

Uning qo‘shimcha qilishicha, Markaziy Yevropadagi vaziyat tubdan o‘zgarmoqda. Spikerning ta'kidlashicha, ushbu mamlakatlardagi yuqori lavozimli rossiyalik josuslar o‘z ta'sirini yo‘qotmoqda.