Internet orqali savdo bilan shug‘ullanuvchi Xitoyning Alibaba Group kompaniyasi «Barselona» klubi titul homiysiga aylanishi mumkin.
Mundo Deportivo nashri bergan xabarga ko‘ra, Alibaba ning bu boradagi raqiblari Amazon va Rakuten‘ning «Barselona» bilan sherikchilik qilish bo‘yicha qiziqishlari pasaygan. Mazkur masala yaqin bir hafta ichida hal bo‘lishi kutilmoqda.
Amaldagi homiy Qatar Airways jamoaning hamkori sifatida 2021 yilga qadar qolishi lozim. Biroq kompaniya nomi jamoa libosidan o‘rin olmaydi. Qatarliklar «Kamp Nou» stadioniga o‘z nomini berish bo‘yicha muzokaralar olib borishi mumkin.
Manba: tribuna.uz
